Gin-eobong eon si dating Japanese Prime Minister Shinzo Abe matapos nga gincremate ro anang bangkay.
Suno kay Bombo International Correspondent Myles Beltran it Tokyo, Japan nga kapin sa 25,000 katawo ro nagbantay sa mga karsada it Tokyo para magta-o it respeto, maghaead it bueak ag green tea sa dating Prime Minister kon siin naging pribado eamang ro funeral kara para sa anang pamilya ag kaabyanan sa Zojoji temple.
Una kara, ginlibot anay ro dating Prime Minister sa headquarters it Liberal Democratic Party (LDP) ag sa residence ni Prime Minister Fumio Kishida kaibahan ro lawmakers ag sa parliament building kon siin unang nagserbisyo bilang mamalidha ko 1993 si Abe antes nag-abot sa funeral hall para sa cremation it bangkay it dating Prime Minister.
Madumduman nga ginbaril-patay si Abe it suspek nga si Tetsuya Yamagami samtang nagapatigayon it political campaign event ku nagtaliwan nga Biyernes it agahon sa southern city it Nara, Japan.
