Ginkakibot ni dating Overseas Workers Welfare Administration (OWWA) adminstrator Arnell Ignacio ro pagpasaka kana it kaso bangud sa pagbakae it ahensiya it P1.4 bilyon nga haega it eogta.
Ginpahayag kara nga kato pang 2018 samtang imaw hay deputy adminstrator eamang kat nagguwa ro nasambit nga planong pagbakae it eogta.
Kaibahan nana ro pilang opisyal it OWWA sa pagpamati sa senado angot sa nasambit nga isyu.
Gin-insister nana nga uwa it anumang iregularidad ro nasambit nga kontrata bangud sa gindangop pa nanda raya sa Department of Budget and Management samtang ro pagabak-eon nga eogta sa may Ninoy Aquino International Airport (NAIA) terminal 1 hay mismo ro LandBank ro nagpatigayon it valuation kon sa siin nakabuoe sanda it permit sa Civil Aviation Authority of the Philippines (CAAP).
Ro nasambit nga eogta hay pagapatindugan kunta it temporaryong paeahuwayan it mga nagauli nga overseas Filipino workers (OFW).
