Nagapati si Manila 6th District Rep. Bienvenido Abante nga liable for crimes against humanity si dating Pangueong Rodrigo Duterte.
Ginpahayag ni Abante nga dapat manabat ro dating Presidente sa mga natabo nga patayan.
Pwedeng pasakaan ro dating Presidente it pag-eabag sa Republic Act No. 9851 or the Philippine Act on Crimes Against International Humanitarian Law, Genocide, ag iba pang Crimes Against Humanity.
Sa pag-atubang ni Duterte sa Senate Blue Ribbon Committee, gin-ako nana ro legal nga saeabton sa mga ginhimo it mga pulis angot sa anang war on drugs kon sa siin ginatantya nga kapin sa 12,000 hasta 30,000 nga Pilipino ro namatay.
Sa idaeom it Section 10 it Republic Act 9851 hay nakabaehag ro prinsipyo it command responsibility kon sa siin ginapasabat ro opisyal sa mga nahimo it anang mga tawuhan.
Ginpahayag dugang ni Abante nga sueod man ro mga naging pagpatay angot it drug war sa crime against humanity base sa Republic Act 9851.
Dugang pa nana nga magamit man it international criminal court ro mga naging pahayag ni Duterte sa Senado kon nagpanumpa raya nga magahambae it kamatuoran.
