International News——-Nailihir bilang bag-ong Pangueo it South Korea ro oposisyon ag dating top prosecutor nga si Yoon Suk-yeol sa ginpatigayon nga eleksiyon ko nagtaliwan nga Miyerkules.
Nagpanguna si Yoon nga nakabo-oe it 48.6% nga boto kontra sa ruling liberal party Democratic candidate nga si Lee Jae Myung nga nakatipon it 47.8% votes maghalin sa masobra 99% votes nga natipon.
Ro nasambitan nga pagdaog ni Yoon hay ginaeauman nga magiging daean agud nga magkaangkon it mabaskog nga alyansa sa US ag mas mabaskog ro relasyon sa North Korea.
Sa victory speech it dating top prosecutor ag newly elected president it South Korea, ginpahayag kara nga anang igarespeto ro konstitusyon ag parliament imaw man nga makibuylog raya sa opposition party para sa maayos nga pagdumaea.
Sa buean it Mayo nakataenang magpanumpa bilang bag-ong Pangueo si Yoon ag magserbi sa limang dag-ong termino bilang lider it ginakabig nga 10th largest economy sa bilog nga kalibutan.
