Namatay eon si dating US President Jimmy Carter sa edad nga 100 anyos.
Si Carter hay ro pang-39 nga presidente it Estados Unidos nga nagpanguna sa peace deal sa Middle East sa anang tyempo.
Naging advocate imaw sa global health ag human rights.
Ro Georgia Democrats hay ginakabig nga longest-lived president sa kasaysayan it Estados Unidos.
Naging sangka termino eamang imaw matapos nga pyerdihon ni Ronald Reagan ko 1981.
Halin kato hay nakatutok raya sa international relations ag human rights nga nagdaea sa anang kadaeag-an sa Nobel peace prize ko 2002.
Nagpaidaeom imaw sa nagkaeain-eain nga serye it pagbueong ro dating presidente ag ko Pebrero it nagtaliwan nga dag-on hay ginpili nana nga magpabilin sa baeay nga gin-alagaan it pilang medical experts.
Namatay ro anang asawa nga si Rosalynn Carter ko Nobyembre sa edad nga 96 anyos.
