KALIBO, Aklan—Ginkalipay it bilog nga Aeta Community sa isla it Boracay ro kadungganan nga nabaton it daywa nanda ka mga miyembro.
Raya hay matapos nga nagbaton it pasidungog sanday Gibbs Forteza ag Vincent Lguiron bilang Excellent Hotel Service and Integration of Local Community.
Ginbaton it daywa kaibahan it andang employer ro pasidungog sa Okada Hotel sa Manila ko Marso 22.
Ro daywang katutubo nga nagatrabaho bilang bell attendants sa sangka resort sa Boracay hay nagpakita it kamayad ag kahugod sa trabaho ag maging huwaran sa kaparehong mga katutubo.
Samtang, ginkilaea it Malay Tourism Office it lokal nga gobyerno it Malay ro kadaeag-an ag kadunggan it daywang katutubo kon sa siin nagapakita sigon raya it senyales it pag-eaum ag kahilwayan bukon eamang it sa pag-promulgates it safe and healthy working environment para sa aeta community kundi makabig man nga halimbawa nga ro tanan nga handom hay may katumanan kon ibutang ro tagipusuon sa trabaho.
