Positibo ro naging resulta sa ginpaguwa nga executive order ni Aklan governor Joen Miraflores kon sa siin nakabaehag ro daeayon nga pagbawae sa pagpasueod it buhi nga baboy ag maging ro mga proccesed pork products sa bilog nga probinsya it Aklan.
Suno kay Engr. Jun Agravante, presidente it association of Aklan livestock and poultry raisers nga nagapabiling estable ro supply it baboy sa bilog nga probinsya kon sa siin naging paborable raya kanda nga mga hog raisers bangud nga natuman man ro handom nga iya mismo magahalin sa sueod it probinsya ro igasupply nga baboy sa isla it Boracay.
Ginatan-aw nga sa sueod it tatlong buean hay magataas ro produksyon it baboy sa Aklan bangud nga maabo ro nagbalik sa pag-alaga matapos nga naging estable ro presyuhan it live weight nga baboy nga uwa gid nagnaba sa 150 pesos ro kada kilo.
Ginatan-aw dugang ni Engr. Agravante nga umpisa eon raya nga ro Aklan mismo ro magasupply it iba pang commodities, agricultural products ag poultry products sa Boracay.
Sa makaron suno kana hay maabo eon nga mga pamunuan it hotels and resorts ro naga-kontak kanda agud nga magbuoe it supply it baboy nga mabahoe man nga bulig para kanda nga mga hog raisers.
