Gintamyaw ni Senator Risa Hontiveros nga nagdihon it Expanded Solo Parents Welfare Act ro pagkapasa kara bilang sangka eubosan nga laye bilang kadaeag-an it milyong mga solo parents sa Pilipinas.
Kaibahan sa bag-ong laye ro probisyon nga nagatao it dugang mga benepisyo para sa mga solo parents kung siin pagataw-an it P1,000 kada buean nga cash subsidy ro mga minimum wage earning solo parents, 10% discount sa pilang mga bueong para sa low-income solo parents nga may onga nga edad 6-anyos panaba, prayoridad sa low-cost housing, Philhealth coverage ag educational scholarships.
Bangud sa K-12 program, sakop it nasambit nga laye ro kinahangeanon it mga solo parents asta sa umabot eon sa edad nga 22 anyos ro andang onga.
Samtang, eubos nga naging layer ro Expanded Solo Parents Welfare Act ku nagtaliwan nga June 4, 2022 nga owa it pirma ni Pangueong Rodrigo Duterte.
Sa pihak nga parte, sa idaeom sigon it Philippine Constitution, ro sangka proposisyon nga ginapasa it House of Representatives ag Senate hay eubosa nga maging laye kung indi raya mapirmahan it Pangueo sa sueod it 30 diyas matapos nga mabaton.
