KALIBO, Aklan—Ginabawaean eon it gobyerno it Russia ro paggamit it Facebook sa andang nasyon.
Raya hay bangud nga gin-eabag sigon it nasambit nga giant social media company sa bilog nga kalibutan ro mga polisiya it Russia sa pamaagi it paglimita kara sa online access sa state-backed media.
Bilang sabat, ginpahayag man ni Meta President Nick Clegg nga ginahimo eon it kumpanya ro tanan nga andang masarangan agud nga uman nga maibalik ro andang serbisyo sa Russia apang indi man sigon magbuhay ag madueaan man it koneksyon ro Russian users sa mga matuod ag tamang impormasyon.
Una kara, gin-anunsyo eon it Meta nga iga-block kara ro access sa tanan nga Russian state media kadungan it paghalin sa mga Ads halin sa mga outlet nga ginasuportahan it Kremlin.
