Ginpaandaman it Department of Health ro publiko sa nagakalhit nga artikulo may kaangtanan sa gina alegar nga ‘bueong’ sa hypertension.
Sa ginpaguwa nga advisory it DOH, ginpamilit kara nga saea ro nasambit nga artikulo bangud nga bukon it aprubado ukon rekomendado it ahensya ag ko mga attached units kara ro nasambit nga bueong.
Ginpadumdum it DOH sa publiko nga magbasa eamang it mga health information halin sa mga lehitimong sources ag platforms kapareho it Health department.
Suno sa World Health Organization, ro hypertension ukon high blood pressure hay sangka common apang manageable nga klase it non-communicable disease.
Ginpadumdum it DOH, puwede man nga malikawan ro nasambit nga sakit kun makaangkon it healthy lifestyle ag habits kapareho it tamang diet ag regular nga pag-ehersisyo.
