SPORTS News — Owa nalipay ro security officers it Chase Center sa gimik it sangka youtuber nga si Dawson Gurley, kun sa siin hay nagpakuno-kuno imaw nga si Golden State Warriors shooting guard Klay Thompson.
Nagsueod raya sa arena ag nag-warm-up sa court sa sueod it napueong minuto.
Sa anang vlog, makitang nakaeusot ro peke nga si Klay Thompson sa limang layer it security sa Chase Center.
Kat mataeupangdan imaw nga naga-warm-up sa court, ginpaguwa raya it security pesronnel.
Pilang minutos pa hay gin-istorya raya it sangka opisyal ag gin-isyuhan it lifetime ban.
Si Gurley hay sangka prankster sa youtube ag ro anang channel nga bigdawstv hay may masobra sa 8 million subscribers.
Ro anang pagtuead kay Klay Thompson ro sambilog sa pinakatumatak nga gimik ni Gurley.
Sa anang tweet, ginpahayag nana nga gumastos pa imaw it $10,000 para sa tickets nga owa man gin-refund it arena sa San Francisco.
Ginpakita man nana ro ban letter nga ginpirmahan it vice president of security it Golden State Warriors.
