Ginahueat pa makaron ro confirmatory ag laboratory result it dugo nga ginbuoe sa daywang ka mga orok nga presenteng nakakulong sa tangkae it ginhalinan it baboy nga ginasugid nga nagpositibo sa African Swine Fever ukon ASF virus sa banwa it Banga.
Ginkumpirma ni Dr. Mabel Señel it Office of the Provincial Veterinarian ukon OPVET Aklan nga ro nasambit nga baboy halin sa Brgy. Sigcay apang nagbuoe sanda it sample it dugo hay iya eot-a sa slaughter house nga gindaehan it baboy nga nadayon man ro pagmatansa kara.
Ginpaathag ni Dr. Señel nga mga mabaskog ag healthy ro daywang ka orok sa nasambit nga tangkae ag dikara masayuran kon minatuod nga positibo sa ASF virus ro ginkatay nga baboy bangud nga posibleng makaapekto eagi raya sa ginbueos nga mga orok.
Posible sigon nga “false positive” ro natabo bangud nga may nagakatabo gidman nga kaparehas kara nga kaso.
Ro baboy nga ginasugid nga nagpositibo sa ASF hay posibleng nabakae it mga consumers apang uwa pa makaron it mga napabalitang may mga baboy nga nakitaan it sintomas it ASF.
Panugyan nana sa mga hog raisers nga inde gid magpakaon it damog sa andang mga alagang baboy agud nga malikawan ro ASF virus.
