KALIBO, Aklan — Nagapadayun ro distribusyon it family medical card sa mga indigents nga Aklanon nga sarang nga magamit sa pagpa-ospital .
Apang, ginklaru ni Provincial Social Welfare and Development Officer Evangeline Gallega nga ro nasambit nga medical card it provincial government hay bukon it balido sa mga pribadong ospital ukon klinika.
Raya hay mag-eowas pa sigon sa bulig it PhilHealth ag iba pang mabo-oe nga discounts .
Ginpaathag ni Gallega nga ginduso it provincial government ro benefit card pinaagi sa “PayMaya” nga nagatau it maximum nga P30,000 nga coverage para sa 6 nga miyembro it pamilya agud nga makaangkon it maeumo nga access sa pagpa-ospital kada dag-on .
Ro mga residente nga may manaba nga kita ukon mga indigent hay sarang nga makabo-oe it P5,000 kada dag-on sa mga government hospitals, partikular sa Provincial Hospital.
Ro mga recipients hay gina-usisa it National Household Targeting System for Poverty Reduction it Department of Social Welfare and Development (DSWD) nga kon sa siin sanda ro nagatumod it kon sin-o ag kon siin ro mga pigado sa Aklan .
Tuyo it programa nga indi eon magkalisod ro mga pigado sa pagpahaum it mga dugang nga dokumento sa pag-angkon it benepisyong medikal sa mga ospital it gobyerno sa Aklan.
