Nagapahaom eon ro mga fans it koponan it France nga maita-o ro andang bilog nga suporta sa pag-arangkada nanda sa semi-final match it nagapadayon nga FIFA World Cup 2022 sa bahin it nasyon it Qatar.
Suno kay Bombo International Correspondent Ednita Isberto-Russo, ro mga restaurants, bars ag iba pang lugar nga ginadayo it tawo hay nagapahaom eon it big screen para matan-aw it live ro hampang it France kontra sa Morocco nga nakataeana sa Disyembre 15.
Halin sa qualifying tournament hasta sa semi-finals hay consistent ro suporta it mga taga-France sa andang mga players matapos nga nabali kara ro ginatawag nga champions curse sa patag it football.
Ginaeauman nanda nga pagadepensahan it koponan ro titueo kontra sa underdog nga Morocco, ro unang Arab ag African country nga umabot sa semifinals it FIFA World Cup para sanda ro uman nga kilaeanon nga kampeon makaron nga season it prestihiyosong hampang.
Eubus ro kalipay ag sigidas ro paghilinugyaw it mga tawo kon sa siin ro bilog nga pamilya ro nagasubaybay sa tanan nga hampang it koponan.
