KALIBO, Aklan—Waea-tuo ro paghilinugyaw makaron it mga fans it Denver Nuggets matapos nga nakuhit it koponan ro kampeonato kontra sa Miami Heat sa 2023 NBA finals nga nagtapos sa Game 5.
Suno kay Bombo International Correspondent Greg Aguilar it Estados Unidos nga sigidas ro pagparty it mga pumueoyo bilang pakikipagbahin sa kadaeag-an it Nuggets.
All set eon man suno kana ro grand parade nga igapatigayon sa Hunyo 15 ukon 16 oras sa Pilipinas.
Kaibahan sa igaparada ro Championship trophy nga andang naangkon.
Apang, antes kara hay makaangkon anay it pre-rally nga pagasundan it pagpaguwa sa mga higlight reel nga naboe-an sa championship run.
Makaangkon man it simpleng programa ro City of Denver para pasidunggan ro mga Denver players bilang NBA Champions.
Madumduman nga ro pagiging matured, bukas it mga player ag ro stratehiya sa hampang ro nagbitbit kanda sa unang NBA title sa kasaysayan it franchise matapos pierdihon ro Miami sa score nga 94-89 sa Game 5 nga ginpatigayon sa Ball Arena sa Denver, Colorado.
