KALIBO,Aklan– Haeos uwa it kinaeain ro selebrasyon it Father’s day sa island nation nga Tonga kon ikumpara iya sa Pilipinas.
Suno kay Bombo International Correspondent Merelyn Colacion Tundag nga ginaselebrar man nanda ro nasambit nga okasyon bilang pagtao it importansya ag pagkilaea sa kontribusyon it mga tatay sa sueod it panimaeay.
Apang, sa Tonga sigon ginaselebrar it okasyon sa ikatlong dominggo it Mayo sang dominggo matapos ro Mother’s day celebration.
Apang, ro pinoy sigon hay ginadungan nanda ro selebrasyon iya sa Pilipinas.
Uwa man suno kana nagapaulihi ro mga Tongans nga magkaon sa guwa kaibahan ro bilog nga pamilya ag mas co
Samtang sa pihak nga parte, ginpasaeamatan man ni Tundag ro anang asawa nga si Diony Tundag sa pagiging responsableng asawa ag ama sa andang daywang ka mga onga.
Uwa sigon imaw it ikasaway sa anang asawa bangud nga mag-eowas sa maboot hay mabinuligon ag nagaulikid sa anang ginhalinan nga pamilya.
Mas maeapit pa sigon ro anang daywang ka mga onga sa andang ama kon ikumpara kana nga nanay.
