KALIBO, Aklan–Nagapadayun pa ro imbestigasyon it Federal Bureau of Investigation (FBI) angot sa mga narekober nga sensitibo ag importanteng dokumento halin sa Mar-a-Lago resort ni dating US President Donald Trump.
Suno kay Bombo International Correspondent Greg Aguilar it California, USA nga una eon sa alima it FBI ro mga dokumento nga narekober mismo sa propiedad it dating pangueo.
Maisot sigon ro tyansa nga magpangatubang si Trump sa kasong kriminal mag-euwas eon lang kung ginpakigbahin kara ro kaundan it dokumento sa anang mga amigo ag iba pang business partner.
Una kara, ko nagtaliwan nga adlaw it Biyernes kat ginbulgar it federal judge ro sueod it search warrant hay property receipt halin sa FBI nga nagpatigayun it paghaeughog sa Mar-a-Lago resort ni Trump sa Palm Beach, Florida.
Kung siin, narekober it FBI ro pilang ka mga sets it classified documents.
