Nakolekta it Federal Bureau of Investigation (FBI) ro masobra 10 set it classified documents maghalin sa Mar-a-Lago resort ni dating Pangueong Donald Trump sa Florida, kaibahan ro pilang nakategorya bilang “top secret”.
Si Trump, nga natapos ro pagkapangueo ko Enero 2021, hay nagapangatubang sa mga pagkwestiyon angot sa mga sensitibong dokumento nga ginboue kara maghalin sa White House.
Ginapakita it mga papeles it korte nga ro pag-imbestiga it Federal Bureau of Investigation hay may kaangtanan sa mga gina-alegar nga pag-eabag sa Espionage Act.
Madumduman ko nagtaliwan nga Lunes, ginpahayag ni Trump nga ro anang panimaeay hay ginraid it mga ahente it FBI, nga ginapahayag nga bukon it kinahangean ag nagakaigo.
Nauna eon nga magguwa ro mga report nga ro mga classified nga dokumento nga may kaangtanan sa mga nuclear weapon hay kaeakip sa mga bagay nga gina-usoy it FBI sa panimeay ni Trump sa Palm Beach.
Ro unsealed search warrant hay owa it ano man nga detalye angot sa mga dokumentong nakolekta it mga agent, apang ginapakita nga kapin sa 20 kahon it mga items, mga binder it mga litrato ag sangka handwritten note ro narekober.
Samtang, ro sambilog pa nga item hay nakalista bilang may nakasueod nga impormasyon nga may kaangtanan sa “Pangueo it France.”
