Ginkumpiram it Department of Health (DOH) nga gin-aprubahan eun it Food and Drug Administration (FDA) ro emergency use authorization para sa ikaywang booster shots nga igabakuna para sa mga senior citizens, immunocompromised ag frontline health workers.
Suno sa Health department, igatao ro second booster dose ap-at nga buean matapos nga maiturok ro unang booster dose bangud ginkilaea it FDA ro datos nga nagabawa ro immunity partikular eun sa pilang ka mga populasyon.
Ro pagbakuna it ikaywang booster dose para sa moderately ag severely immunocompromised patients hay puweding mataw-an it mas timprano apang subject pa sa gihapon sa assessment it attending physician.
Nagabilog eun makarun ro National COVID-19 vaccination Operations Center (NVOC) it guidelines para sa pagrolyo it ikaywang booster dose.
