Gina-imbestigahan eon it Food and Drug Administration (FDA) ro nagapadayun nga pagbawi it pilang batch it “Lucky Me! Pancit Canton Noodles” sa pilang nasyon sa Europa ag Taiwan.
Raya hay matapos magpaguwa it health warning ro Health Ministries it nasyong France, Ireland ag Malta bangud sa mataas nga lebel it ethylene oxide sa pilang Lucky Me products.
Ro ethylene oxide hay sangka kemikal nga ginagamit sa mga pesticides nga ginabawae sa paggamit it ginabaligya nga pagkaon.
Bangud kara, ginklaru it Monde Nissin Corporation ro pasibangud ag ginhambae nga ginagamit eamang ro kemikal sa andang mga raw materials agud nga malikawan ro microbial growth sa pag-import it produkto.
Ginpasiguro man it manufacturing company nga rehistrado ro andang produkto sa Philippine FDA ag nagsunod sa food safety standards it Pilipinas ag maskin it US FDA standards angot sa paggamit it Ethylene Oxide.
Sa makaron , ginhambae ni Health Undersecretary Maria Rosario Vergeire nga owa pa it Lucky Me products ro ginabo-oe sa local market bangud nga nagapadayun pa ro imbestigasyon it FDA angot sa isyu.
