Nagapanawagan eon man ro Food and Drug Administration (FDA) kay Pangueong Ferdinand Marcos Jr., nga ibasura ro Vape Bill.
Nakabaehag sa sueat nga ginpadaea it FDA sa taeatapan it pangueo nga nagapanindugan sanda nga may mandato ro ahensya kara sa pagregulate it vape bangud sa isyung pangkaeuwasan.
Gin-insister pa ni FDA officer in charge Director General Dr. Oscar Guttierez ro presenteng ruling it Korte Suprema nga may awtoridad ro FDA nga i-regulate ro ano man nga health products ukon ano man nga produkto nga makaapekto sa ikamayad nga eawas it sangka tawo.
Sa idaeom it hagna, igahalin ro pag-regulate kara sa Department of Trade and Industry (DTI).
Samtang, para man sa DTI anda eamang nga paga-ubrahon ro andang responsibilidad, eabi eon gid sa presyo ag kalidad, engkaso nga maka-angkon eon it laye nga magasakop sa nasambit nga produkto.
