FDA, nagpaandam  sa publiko sa pagbakae ag paggamit it mga misbranded nga KF94 face mask nga may “foreign characters”

Ginapalikaw it  Food and Drug Administration (FDA) ro publiko sa pagbakae ag paggamit it mga misbranded nga KF94 face mask nga may una nga  “foreign characters”  ukon  may mga dumueuong nga  letra.

Sa ginpaguwa nga pahayag it FDA,  ginhalimbawa it ahensya ro litrato nga may makutom nga kulay  it   KF94 face mask nga nakabutang  sa transparent nga plastic nga may tatak nga “foreign characters”.

Ro  KF94 ukon  Korean filter face mask hay ginasugid nga haeos owa it kinaiba  sa filtration grade nga may una ro  N95 mask.

Sa  pihak kara,  nagapati  FDA nga  kinahangean sa  gihapon nga magdahan ro kada isaea sa pagbakae it KF94 face mask eabi eon  nga may mga ginabaligya  nga  posibleng misbranded ukon peke.