KALIBO,Aklan–Dismayado ro Federation of Livestock, Hogs and Poultry Raisers sa provincial government sa pagdumaea sa isyu it African Swine Fever ukon ASF virus sa bilog nga probinsya it Aklan.
Suno sa andang presidente nga si Engr. Jun Agravante, base sa andang gin-istoryahan sa ginpatigayon nga coordinating council meeting ro pagabayaran eamang it Office of the Provincial Veterinarian ukon OPVET hay ro mga apektadong hog raiser nga ro andang baboy hay naipaidaeom sa culling it provincial government.
Sa makaron hay kapin sa 1,227 pigs pa eamang ro nakalista sa andang datos kon sa siin ro payment scheme for culled pigs hay 1,000 pesos ro sangka baboy.
Ro namatay nga mismong ro hog raiser eon lang ro nag-eobong hay una sa last priority ag uwa it kasiguraduhan kon mabayaran it probinsya.
Apang suno kay Engr. Agravante, ro lokal nga gobyerno it Tangalan ag Balete hay nagpaguwa it pondo nga ginbayad sa mga apektadong hog raisers sa andang nasakupan.
Ginahinyo nanda makaron sa mga affected LGU’s nga bayaran ro mga may ginapakita nga dokumento nga nagapamatuod nga namatay ro andang sapat bangud sa virus.
Ginbulgar ni Agravante nga P25 milyon pesos quick response fund kasunod sa pagpaidaeom sa probinsya it Aklan sa state of calamity kon sa siin P10 milyon pesos ro maadto sa ASF isyu.
Sa nasambit nga numero, 7 milyon pesos ro maadto sa mga hog raisers ag ro P3 milyon pesos hay pagahawiran it OPVET para sa andang mga kinahang-eanon.
