KALIBO,Aklan– Nagaapela ro Federation of Livestock, Hogs and Poultry Raisers sa mga lokal nga gobyerno nga makaangkon it common graveyard kaparehas sa ginhimo it LGU Malay.
Suno sa presidente it pederasyon nga si Engr. Jun Agravante, sa raya nga pamaagi hay malikawan nga magkalhit pa ro virus.
Mag-eowas kara, panawagan man nanda nga ipanupod eon it gobyerno probinsyal ro ayuda sa mga apektadong hog raisers ag maghimo pa it mga pamaagi para madugangan ro pondo nga makasamit ro tanan.
Nag-apela man imaw sa kaparehong hog raisers nga limpyuhan eon ro andang mga tangkae ag idispose eon ro mga nabilin nga mga baboy para uwa it tapikan pa ro virus para madaling makabawi sa mga masunod nga inadlaw.
Samtang sa pihak nga parte, ginhinyo man ni Engr. Agravante sa gobyerno nga pati ro mga processed pork products nga ginaproduce sa Aklan hay igapaidaeom sa testing ag kon magpositibo sa ASF virus hay suhestyon nana nga gilayon raya nga idisposed.
Ginpanindugan nana nga posibleng tinamaan eon man ro mga frozen products it ASF.
