KALIBO, Aklan — Sangka fetus ro nakit-an maeapit sa sangka basurahan sa Goding Ramos St., Kalibo, Miyerkules it aga-aga.
Ginasugid nga sangka Ralph Zapra, 22, residente it XIX Martyrs St. Kalibo ro nakakita sa fetus.
Samtang nga nagatikang bandang alas-5:45 it aga-aga hay gina-alegar nga napan-uhan nana ro fetus sa saeog, maeapit sa sangka black bag nga may sueod nga mga basura.
Ginatantiya nga una sa tatlong buean ro edad it fetus nga owa pa matumod ro anang kasarian.
Owa man sigon it napan-uhan ro mga residente kun sin-o ro nagpilak it fetus sa lugar.
Ro fetus hay gindaea it mga otoridad sa sangka punerarya para sa nagakaigo nga disposisyon ag pag-usisa it Municipal Health Office.
Padayun pa ro imbestigasyon it kalibo Police Station sa insidente.
