KALIBO, AKLAN — Sangka gina boebanta nga waeong buean nga fetus ro nadiskubre it sangka basurero samtang naga kamada it mga basura sa sueod it Material Recovery Facility (MRF) sa Sitio Tambisaan, Brgy. Manoc-Manoc sa isla it Boracay.
Suno kay PO2 Lenlyn Agapito it Boracay Tourist Assistance Center (BTAC), sangka Nanny Ilano ro nakakita it fetus kat ipagpag kara ro bed sheet nga kaibahan sa mga basura.
Gulpi eon lang sigon nga nahueog ro eaeaking fetus nga nakaputos it eambong.
Gina sugid nga ro basura hay nakabutang sa sangka garbage bag nga nakolekta sa Brgy. Balabag.
Plano it pamunuan it MRF nga mataw-an it disenteng eubing ro fetus sa bulig it mga barangay official.
Naga padayun man ro imbestigasyon it kapulisan sa insidente ag pagtumod sa ina nga nagpilak kara.
