Gin-umpisahan eon it FIBA ro andang 500 days countdown para sa FIBA Basketball World Cup 2023.
Magiging host kara ro Pilipinas kaibahan ro Japan ag Indonesia.
Daywang beses eon man nga nagbisita sa nasyon si FIBA Basketball World Cup 2023 executive director David Crocker para tan-awon ro kahauman it nasyon sa hosting it FIBA Basketball World Cup.
Kaibahan ni Crocker ro pilang opisyal it FIBA ag sanda hay nakipagpueong kay Local Organizing Committee (LOC) Executive Board nga ginabilog nanday Manny V. Pangilinan, Al Panlilio, Ricky Vargas ag Sonny Barrios.
Humanga ro mga opisyal it FIBA sa kahauman it mga local organizing committee kamana man ro hilig it mga Filipino sa sports it basketball.
Mag-eowas sa nagahilapit nga torneo hay magapatigayon man ro Pilipinas it FIBA World Congress nga pagatambungan it 212 ka mga nasyon.
