KALIBO, Aklan – – – Sa pihak it gina pangatubang nga krisis it isla it Boracay, malipayon nga gin selebrar it mga pumueoyo it Malay ro andang kapiestahan.
Gin abangan it mga tawo ro makolor ag masadyang pagselebrar it Fiesta de Obreros ukon piyesta it mga trabahador.
Raya hay bilang pagtao it pasidungog sa andang patron nga si St. Joseph the Worker.
Sa mensahe ni Malay Mayor Ceciron Cawaling indi mapugngan it pagtinguha ro dag-unang selebrasyon nanda nga nagapakita it andang kultura ag tradisyon.
Gin pahayag pa it alkalde nga ro mga trabahador ro pundasyon it pag umwad it andang banwa ag raya man sigon ro rason kun ham-an nakilaea ro isla it Boracay sa bug-os nga kalibotan.
Kadunghan kara, gin kumbinyu kara ro mga pumueoyo nga padayun nga makipagbueoligan agud mas mapadali ro rehabilitasyon ag makabukas sa mas madaling tiempo ro Boracay
Mag eowas sa maumwad nga turismo, pagpangisda ag pagpanguma ro naga pangunang pangabuhian it mga pumueoyo sa banwa it Malay.
