KALIBO, Aklan — Ginapabilin it pamilya Motus ro tradisyong Pinoy nga makabig nga pampamilya bangud sa pag-ililiba nga kaeabanan nga ginahimo nga family reunion ro tiempo it fiesta minatay, ro nakasanayang okasyon agud nga dumdumon ro mga namatay nga mahae sa kabuhi .
Suno sa sangka miyembro it pamilya Motus nga pila sa andang mga himata hay naga-uli halin sa ibang nasyon para sa raya nga okasyon.
Nakaugalian eon sigon nanda nga nagapahaum it pagkaon eabi eon ro mga maeagkit nga pagkaon nga ginmana pa nanda sa andang mga ninuno nga ginadaea sa sementeryo partikular sa Kalibo Municipal Cemetery kun sa siin hay matsa nagapatigayon it family reunion.
Raya sigon ro oras nga naga-aeabutan ro pilang mga kaigbataan agud nga magkita-kita ag mag-istoryahanay sa puntod it namatay nga kapamilya .
Nasayuran nga kaeabanan nga ginahimo kada fiesta minatay hay ro pagbisita sa sementeryo, nagasindi it kandila sa sementeryo, simbahan ag maskin sa baeay, nagadaea it mga bueak para ihaead, nagasimba, ag nagapahaum it pagkaon.
