-- ADVERTISEMENT --
Ginapahauman eon it Philippine women’s football team nga Filipinas ro ikaywang round it 2024 Asian Football Confederation Women’s Olympic qualifying tournament.
Ro nasambitang torneo hay igapatigayon sa Australia halin Oktubre 23 hasta Nobyembre 1.
Una sa Group A ro Filipinas kon sa siin makasambuwa nanda ro Australia, Chinese Taipei ag Iran.
Nakasambuwa eon it Filipinas ro nasambitang mga koponan ko mga nagtaliwang mga torneo kon sa siin ginpyerde nanda ro Chinese Taipei sa pamaagi it penalties ko 2022 AFC Women’s Asian Cup.
Ginpyerde nanda ro Iran sa 2020 AFC Olympic qualifying tournament apang napas-eawan sanda sa Australia ko U-23 AFF Women’s Championship ko nagtaliwan nga dag-on.
-- ADVERTISEMENT --
