KALIBO, Aklan–Ginaeauman it Filipino community nga mapabaskog pa ro kaangtanan it Pilipinas ag Indonesia sa nakataeana nga pagbisita ni Pangueong Ferdinand Marcos Jr. sa Setyembre 4-6, 2022.
Suno kay Bombo International Correspondent Ginavella Limpin-Cumla it Jakarta, Indonesia pareho nga nagabenepisyo ro daywang nasyon sa kada isaea kon siin ro Indonesia hay naga-import it coal sa Pilipinas.
Samtang ro mga Pinoy hay naging madinaeag-on man sa mga gintukod nga negosyo sa Indonesia hasta nga naipakilaea eon nanda ro ibang produkto sa merkado it Pilipinas.
Ginpahayag dugang ni Cumla nga ginaeauman nanda nga magadaea it pagpasanyog sa trade and investment si Marcos sa anang pakikipagkita sa lider it nasyon nga si President Joko Widodo.
Mag-eowas kara, ginaekspektar man nanda nga matalakay ro kahimtangan it mga overseas Filipino workers para sa andang seguridad sa pagpabilin ag pagtrabaho sa nasambit nga nasyon.
