KALIBO, Aklan—Gina-abangan eon it Filipino community sa Cambodia ro mga ginapatigayon makaron nga hampang sa 32nd Southeast Asian Games sa nasambit nga nasyon.
Suno kay Bombo International Correspondent Vernon Moises it Cambodia nga pila sa mga raya hay ro football, sailing, chess, volleyball ag iba pa.
Gin-umpisahan eon suno kana ro preliminary games it pilang pili nga hampang daywang adlaw antes ro opening ceremonies sa maabot nga Mayo 5, 2023.
Paga-umpisahan makaron nga adlaw it Miyerkules it national volleyball teams, eabi eon it men’s team ro andang kampanya sa Phnom Penh.
Magasabak man ro womens volleyball team sa Mayo 9 sa pagpanguna it team captain nga si Allysa Valdez .
Sa pihak nga parte, napas-eawan suno kana ro Philippine Azkals Under-22 sa andang unang hampang sa Sea Games kontra sa Indonesia.
Sa overtime nga four minutes, sambilog pang goal ro nabo-oe it Indonesia kun sa siin nagtapos ro hampang sa score nga 3-0 pabor sa Indonesia.
Samtang, Malaysia ro unang maka atubang it Gilas Pilipinas sa Mayo 9, alas 12 it udtro adlaw para sa handum nga maibalik it nasyon ro gold medal.
Sa Group A ro Gilas kaibahan ro Malaysia, Singapore ag host nga Cambodia.
