KALIBO, Aklan–Gina-abangan eon it Filipino Community sa Jakarta, Indonesia ro pag-abot hin-aga ni President Ferdinand “Bongbong” Marcos Jr. bilang kaparte it tatlong adlaw nana nga state visit umpisa Setyembre 4 hasta 6.
Suno kay Bombo International Corespondent Nerissa Amper Punzalan, IB CAS Coordinator nga excited ag malipayon sanda sa nakataeana nga pagbisita it pangueo.
Sangka manami sigon raya nga senyales para sa relasyon it daywang ka mga nasyon.
Ginaeauman nga makaangkon it pagpueong ro mga Pinoy halin sa nagkaeain-eain nga parte it Indonesia sa sangka hotel pasado alas-4:00 it hapon.
Pila sa mga maka-atubang it pangueo ro Indonesian President nga si Joko Widodo ag iba pang delegado.
Si Punzalan hay sambilog man sa naimbitahan para makipagpueong kay Marcos.
