Limitado eamang ro mga pilipino nga maga-atendir sa igapatigayon nga meet and greet ni Pangueong Ferdinand Marcos Jr. Sa filipino community sa Japan sa masunod nga dominggo.
Raya hay sambilog man sa mga aktibidad nga igapatigayon it pangueo mag-eowas sa anang pakigpueong kay Prime Minister Fumiyu Kishida.
Suno kay Bombo International Correspondent Josel Palma it Japan ag sambilog sa mga marshall it nasambit nga meet and greet, sambilog sigon sa andang igapaabot sa pangueo hay ro problema nga presenteng ginapangatubang it mga ginakabig nga “distress” overseas filipino workers sa Japan.
Kung siin maabo sigon ro owa kanda it matiniran matapos nga maghalin sa andang employer ukon gina-istaran.
Mabuhay eon sigon nga problema it mga OFW ro nasambit nga isyu rason nga naga-eaum sanda nga mataw-an raya it igtueopangod it pangueo.
Sa pihak nga parte, gina-euaman ro pitong bilateral agreements nga mapirmahan sa tunga it Pilipinas ag Japan kasunod it pagbisita it pangueo sa nasambit nga nasyon.
Samtang, magapatigayon man it sangka exchange of notes sa $3 billion haega it infrastructure loan agreements para sa North-South Commuter Railway ag sa extension kara nga nakataeanang pirmahan it Department of Finance.
