Magapatigayon it selebrasyon it Independence Day ro Filipino Community sa Maldives makaron nga adlaw.
Suno kay Diana Angelica, Bombo International News Correspondent sa nasambit nga lugar, raya hay gin-asikaso it mga Pilipino sa nasambit nga lugar para i-iselebrar ro araw ng Kalayaan it Pilipinas.
Haeos masobra napueong dag-on eon nanda nga gina-himo ro selebrasyon kun siin nagapatigayon sanda it mga cultural dance contest, pa-raffle ag pagsaeo-saeo it mga trabahador nga Pilipino sa lugar.
Dugang pa nana, natyempo man nga adlaw it Byernes ro andang selebrasyon kun siin ginakabig nga on-working day man sa Maldives kaya ginabueubanta nga masobra 100 ka mga Pilipino ro maga-partisipar.
Tuyo sigon kara nga mabilog ro Filipino community sa lugar para indi makalimtan ro kultura ag para eon man taw-an it daean ro kabayanihan it mga bayaning nag-sakripisyo para maabot it Pilipinas ro kahilwayan.
