KALIBO, Aklan–Excited eon ro Filipino community sa Singapore nga makipagkita kay President Ferdinand Marcos Jr. sa anang state visit sa nasambit nga nasyon sa maabot nga Setyembre 6 hasta 7 it makaron nga dag-on.
Suno kay Bombo International Correspondent April Gregorio it Singapore nga nagpa-rehistro eon imaw para sa meet and greet sa kaibahan ro iba pang mga amiga nga nagatrabaho idtu.
Ro event hay pagahiwaton sa NUS University auditorium sa Martes, Setyembre 6.
Maskin suno kana nga maskin nga maeayo ro venue sa andang lugar, apang pagatinguhaan nana nga makatambong bangud nga raya ro unang kahigayunan nga makita nana it personal ro anang ginsuportahan nga presidente ko nagtaliwan nga eleksyon.
Gusto nanda nga mabatian halin kay Marcos ro commitment it gobyerno agud nga padayun nga maprotektahan ro andang kamaeayran bilang mga overseas Filipino workers ukon OFW sa nasambit nga nasyon.
Handum man nanda nga mapabaskog ro healthcare system it nasyon agud nga indi eon magkalisod ro mga Pinoy nga nagamasakit.
Nasayuran nga makaangkon it separadong pueong si Pangueong Marcos kay Singaporean President Halimah Yakob kun sa siin posibleng pagatalakayon ro bilateral ties, regional ag global issues.
Pagasaksihan man it daywang lider ro pagpirma sa kasugtanan angot sa counter-terrorism ag data privacy,
Magatambong man si marcos sa economic briefing ag business roundtable meetings sa Singapore agud nga maka-engganyo it mga investments para sa Pilipinas ag makatuga it maabu nga trabaho.
