KALIBO, Aklan–Nakataeana nga magpatigayun it botohan ro mga miyembro it Filipino Community sa Spain sa buean it Marso.
Raya hay kaparte it andang preparasyon para sa iga-organisa nga Independence Day program sa Hulyo.
Suno kay Bombo International Correspondent Maria Edzel Lamparero Lopez it Madrid, Spain nga daywa ro magapadaeagan sa pagka-presidente it Filipino Community nga ginakaeakipan nanday Roda Velasco ag Mr. Gil.
Ro daywa hay parehong active organizer sa nagkaeain-eain nga aktibidad ag programa it mga Pinoy sa nasambit nga nasyon.
Nasayuran nga nakaugalian eon it Filipino Community nga magpatigayun it event para iselebrar ro Independence Day kung siin naga-imbita pa sanda it local artist halin sa Pilipinas para maghatod it dugang nga entertainment sa okasyon.
