KALIBO, Aklan—Sa pihak nga delikado nga fighter ag mas bata it 11-anyos, kumpiyansa gihapon ro Filipino community nga masarangan nga patumbahon ni Senator Manny Pacquiao si undefeated welterweight champion Errol Spence.
Suno kay Bombo International Correspondent Pinoy Gonzales it Houston, Texas, siguradong magiging kaabang-abang ro bakbakan eabi pa ag mabuhay eon nga tiempo nga owa it may natabu nga exciting nga boxing match pagkatapos it bakbakan sa tunga ni pacquiao ag keith Thurman ko hulyo 2019 sa Las Vegas, kun sa siin daog ro pambansang kamao pinaagi sa split decision.
Si spence hay 31-anyos nga nagabuyot it daywang korona nga IBF ag WBC welterweight title samtang si Pacquiao hay 42 anyos ag haeos daywang dag-on eon nga owa nakasaka sa boxing ring.
Kadungan sa pagbukas it mga casino sa America, ginapatihan nga ro hampang ni pacquiao ag spence sa Agosto 21 ro posibleng maging mabahoe nga market nanda para sa mga boxing fans.
Magadaog man ukon mapierde, si Pacquiao hay maga-uli it guaranteed prize nga 40 milyon dollars.
Suno kay Gonzales nga posible pa nga madugangan ro anang kita kon mapuno kara ro arena nga pagahiwatan it hampang kamana man sa kita it pay-per-view.
