KALIBO, Aklan — Syento porsiyento eon nga haum ro pagagamiton nga vote counting machines (VCMs) sa probinsiya it Aklan sa maabot nga eleksyon sa Lunes.
Suno kay Provincial Election Supervisor Atty. Elizabeth Doronilla nga nakaangkon eamang it aberya sa tatlong clustered precinct sa daywang banwa sa ginpatigayon nga final testing and sealing it VCMs matapos nga ma-corrupt ukon owa naggana ro andang SD card kat ginsueod sa mga makina .
Nagbuhay sigon it haeos daywang oras, apang owa gid naayos ro SD card it VCM nga gingamit sa Baybay Elementary School ag Tugas Elementary School sa Makato.
Parehong problema man sigon ro naexperiensiyahan it mga election board sa Manggan Elementary School sa Banga .
Ginklaru it Comelec nga minimal eamang ro mga natabu nga aberya .
Ro SD card sigon hay gindaea sa Iloilo sa andang technical hub agud nga masolusyunan eagi .
Ginklaru man ni Atty. Doronilla nga kinahangean nga ipaidaeum sa final testing and sealing ro mga makina antes nga pagagamiton sa adlaw it eleksyon.
