International ——–Ginreport it Philippine Embassy sa Israel nga naging madinaeag-on ro final testing ag ro sealing ukon pagpaandar ag pagselyo it vote counting machines (VCM) nga pagagamiton sa eleksiyon.
Ginpatigayon raya bilang pagpahaom sa nagahieapit nga pag-umpisa it overseas absentee voting (OAV) sa maabot nga dominggo.
Naging bukas man raya sa mga representante it political parties ag iba pang observer.
Ro testing sa mga balota ag ro pagselyo sa mga makina hay kaparte it mga gintaeanang aktibidad it poll body, agud masiguro ro kahauman it mga magadumaea sa eleksiyon , pati eun ro mga makinang pagagamiton sa eleksyon.
Kasunod kara, gintur-an eun man it technical team ro iba pang maga-alalay angot sa proseso it paggamit it VCMs.
