Ginpasugtan eon it department of environment and natural resources ukon DENR ro pagpatigayon it fireworks display sa isla it Boracay sa pagsug-aeaw sa bag-ong dag-on.
Raya ro ginpahayag ni Richan Casidsid, receptionists 1 it malay tourism office.
Madumduman nga nagpadaea it request sa DENR ro mga stakeholders ag lokal nga gobyerno it malay para sa event sa disyembre 31.
Suno kana nga pitong ka mga lugar sa boracay ro pwedeng pagahiwatan it community fireworks display.
Kaeakip sa kundisyon it DENR hay ro paglimpyo sa lugar pagkatapos it aktibidad nga owa it anuman nga debris nga maaywan kamana man nga mga 100 meters ro distansiya halin sa dagat.
Ro mga hotels ag iba pang establishments sa gin-aprubahan nga mga lugar hay pwedeng magpasakop sa nasambit nga community fireworks display.
Nasayuran nga ko 2019 hay nagpanindugan ro Boracay Inter-Agency Task Force nga bawae ro pagpatigayon it fireworks shows sa isla kasunod it ginpatuman nga rehabilitasyon ko 2018.
Ro bonggang fireworks display sa New Year’s Eve hay sambilog sa mga ginadayo sa boracay.
