POLICE Report — Duguan nga tumumba sa anang pwesto ro sangka fish vendor matapos nga barilon it makapilang beses it owa pa nakilaea nga suspek sa banwa it Buluan sa Maguindanao del Sur.
Ginkilaea ro biktimang si Hansor Guiapal, sa legal nga edad ag residente it Buluan sa Maguindanao del Sur.
Base sa report it Buluan Municipal Police station, bandang 11:20 it agahon kat matabu ro krimen sa sueod it Buluan Public Market.
Nagtuhaw sa paunang imbestigasyon it kapulisan nga samtang sa anang puwesto ro biktima kat gulpi nga nag-abot ro armadong suspek.
Bangud kara, owa it anuman nga paandam nga ginbaril ro biktima it maeapitan sa nagkaeain-eain nga parte it eawas nga naging rason it anang hinali nga kamatayon.
Matapos ro krimen madasig nga nagpaeagyo ro suspek sa indi masayuran nga direksyon.
Ginatumod eon it mga awtoridad ro matuod nga motibo sa krimen ag pagkatawo it suspek kaibahan ro anang kasabwat nga driver it get-away vehicle nga motorsiklo para sa insigidang pagdakop sa mga raya.
