KALIBO, Aklan — Gintawag it Boracay Inter-Agency Rehabilitation and Management Group (BIARMG) nga “fake news” ro nagtuhaw nga balita nga nakaangkon it flash flood sa isla it Boracay bangud sa Tropical Depression Falcon.
Sa interview it Bombo Radyo, ginpahayag ni BIARMG general manager Natividad Bernandino nga owa raya it kamatuoran bangud nga business as usual sa isla.
Suno kay Bernandino mga lumang litrato sigon ro nagguwa sa social media kun sa siin, nagapakita it hasta sa hawak nga tubi-baha.
Nagatau eamang sigon raya it saea nga impormasyon sa tawo ag sangka pamaagi agud nga batikuson ro nagapadayun nga narehabilitation effort it gobyerno sa nasambit nga isla.
Aminado si Bernandino nga may mga ginbahang lugar sa isla kapareho it D’Mall ag Ambassadors apang hasta sa ankle-deep eamang ag madasig nga nagsubside kasunod it pagbomba sa baha paguwa sa main road nga ginpangunahan it Departament of Public Works and Highway (DPWH).
Nagpaandam man si Bernandino sa mga nagapakalhit “fake news” sa isla
