Ginaeauman nga madugangan pa ro mga flights it airline companies sa Godofredo P. Ramos Airport sa Caticlan, Malay bangud sa nagahilapit nga Semana Santa matapos nga raya ro pinakamaeapit nga paeoparan agud nga madali ro byahe patabok sa isla it Boracay.
Ginkumpirma ni Patrolman Lhar T. Talaga, Asst. PCR PNCO it Caticlan Airport Police Station nga kabilugang 84 flights ro may una sa nasambit nga paeoparan nga ginakaeakipan it 42 flights sa ongoing ag 42 flights man ro outgoing kaibahan eon kara ro international flight paadto sa nasyon it Taiwan.
Ro nasambit nga byahe it mga eroplano hay posible pang madugangan bangud nga peak season eon makaron ag ro isla it Boracay ro nagapangunang bakasyunan it mga turista.
Ginpahayag dugang nga naga-average ro pasahero sa limang libo kada adlaw rason nga permi sanda nga naka-full alert status nga masiguro ag mataw-an it eowas nga byahe ro mga travellers.
Madumduman nga naging kontrobersyal ro Caticlan Airport matapos nga ginpamaeabagan it gobyerno probinsyal ro pagbaton it international flight it paeoparan nga ginadumaeahan it San Miguel Corporation kamana man idto haeos tanan ro domestic flight ag ro Kalibo International Aiport hay nag-eanghay nga nagresulta sa pagkalugi it mga negosyo sa palibot it nasambit nga paeoparan.
