USA – Nagapahaom eun ro maabong residente it Florida bangud sa pagpanaeasa it Hurricane Milton.
Ro nasambit nga bagyo abi hay ginsaka sa Category 5 it National Hurricane Center.
Uwa pa man nakabangon ro mga taga Florida halin sa pagpanaeasa it Hurricane Helene ku nagtaliwan ng dominggo hay nag-abot eun man ro nasambit nga bagyo.
Gindeklara eun ni Miami-Dade County Mayor Daniella Levine Cava ro local state of emergency bilang pagpahaom sa nasambit nga bagyo.
Gin-engganyo kara ro mga pumueoyo nga magbakwit eun bangud nga ginasaligan ro maeaparan nga pagbaha sa nasambit nga lugar.
Base sa pagbuebanta it National Hurricane Center una sa 180 miles per hour ro hangin nga daea it nasambit nga bagyo.
Bilang pagpahaom hay nagdesisyon ro Orlando International Airport it pagpundo it operasyon.
Ginsiguro man it White House nga nakapahaom ro mga bulig nga andang ipanupod sa mga nadaeasa it bagyo.
