Flying car nga naimbento it Chinese firm, ginpaeupad sa Dubai

Nasaksihan it publiko ro pag-eupad it flying car nga naimbento it sangka Chinese company kat gin-test flight raya  sa Dubai, UAE.

Ginpatigayon ro  siyam nga minutong test flight it X2, sangka electric vertical take-off and landing flying car it kumpanyang Xpeng, nga ginkakibot it mga manugtan-aw.

Mag-eowas sa futuristic kara nga  itsura ag teknolohiya, owa man it ginapaguwa nga carbon dioxide ro X2.

Ginpatigayon ro test flight sa Dubai nga ginakabig nga sambilog sa “most innovative cities in the world.”

Kakaiba sa  ordinaryong  mga SUV, sangka pasahero eamang ro puwedeng isakay it X2.

Ginpahayag it  Xpeng nga padayun ro andang  research para sa iba pang modelo it flying car.