Naglista it pagnaba sa mga focus crimes ro Police Regional Office (PRO) 6.
Suno kay PMaj. Lailyn Sencil, tagapaghambae it nasambit nga taeatapan, nakalista it 34.86% nga pagnaba para sa mga focused crimes ku buean it Mayo kumpara sa parehong tyempo ku nagtaliwan nga dag-on.
Halin sa 175 nga insidente nga nalista ku Mayo 2025, nagnaba raya sa 114 incidents makaron nga dag-on.
Paathag nana, sangkiri nga nagtaas ro mga kaso it homicide, apang may pinakamabahoe nga pagnaba ro mga kaso it carnapping of motor vehicle, rape, physical injury, ag robbery.
Samtang, sa mga police initiated operations, eabi eon it implementasyon it special law kapareho it illegal possession of firearms, ag mga illegal drugs hay naglista 147.12% nga pagtaas halin sa 104 ku nagtaliwan nga buean it Mayo 2025 paadto sa 257 ka mga kaso sa parehong tyempo it presenteng dag-on.
Dugang pa nana, para sa probinsya it Aklan, nakalista it 57.89% nga pagnaba sa mga focused crimes.
Nagtaas sigon ro kaso it murder kun sa siin nakalitsa raya it kabligan nga 3 kaso ku Mayo it presenteng dag-on halin sa zero case sa parehong tyempo ku nagtaliwan nga dag-on.
Suno kay PMaj. Sencil, raya hay bunga it mas ginpabaskog nga mga police visibility, pati eon man ro pakikipag-bueuligan it komunidad sa polisya.
