KALIBO, Aklan—Ginpasiguro it pamunuan it Federation of Kalibo Tricycle Operators and Drivers Association Inc. ukon FOKTODAI nga magasunod sanda sa bag-ong fare matrix para sa mga tricycle nga nagabiyahe sa banwa it Kalibo.
Suno kay FOKTODAI President Johnny Damian nga nakataeana sanda nga magsumite it listahan it andang mga aktibong miyembro sa Sangguniang Bayan it Kalibo sa adlaw it Lunes.
Ro tanan sigon nga TODA hay kinahang-ean nga magpasa it andang listahan bangud raya ro pagabasehan it lokal nga gobyerno sa pag-isyu it printed ag laminated nga fare matrix kung siin nakabutang ro pangaean it operator ag body number it tricycle.
Pabor sigon imaw sa makarondayang sueondanan para makaangkon it legal nga basehan ro parehong driver ag pasahero pag-abot sa panueoktan it pamasahe.
Gin-insister pa ni Damian nga kinahang-ean ro konsiderasyon it kada isaea agud nga indi makaangkon it anumang problema.
Nasayuran nga nagpatigayun it public hearing ro kada barangay sa Kalibo para talakayon ro igapatuman nga presyo it pamasahe sa mga nagabiyahe nga tricycle kaibahan ro nagkaeain-eain nga sektor.
