KALIBO, Aklan–Nagaeaum ro Federation of Kalibo Tricycle Operators and Drivers Association Inc. ukon FOKTODAI nga madayun ro ginaeauman nga pagpanupod it fuel subsidy it Department of Transportation (DOTr) ag Land Transportation and Franchising Regulatory Board (LTFRB) sa mga tricycle driver/operator.
Raya hay matapos nga gintugyan eon it Department of the Interior and Local Government (DILG) sa mga alkalde ro responsibilidad sa pagsumite it listahan it mga kwalipikadong benepisyaryo it subsidiya.
Suno kay FOKTODAI President Johnny Damian, engkaso nga matabo hay mabahoe raya nga bulig para kanda nga mga driver nga eubos nga naapektuhan it sunod-sunod nga oil price hike.
Ginpasiguro man kara nga haum sanda nga mag-comply sa tanan nga requiments nga pagapangayuon it lokal nga gobyerno.
Nasayuran nga gintaw-an it palugit ro mga alkalde hasta makaron nga adlaw nga magsumite it listahan sa regional office it mga tricycle drivers nga grabeng naapektuhan it pagtaas it presyo it petrolyo.
Ro validated list ro magiging basehan it DOTr ag LTFRB sa pagtao it ayuda.
