Kalibo Aklan —- Ginpromisa it mga tricycle drivers ag operators nga hugut nga pagasundon ro laye angot sa Republic Act 4136 (Land Transportation and Traffic Code) ukon ro pagpabilin it mga slow-moving vehicles sa outer ukon shoulder lanes kon naga-agi sa mga national highway.
Raya ro ginpahayag ni Federation of Kalibo Tricycle Operators and Drivers Association, Inc. ukon FOKTODAI President Johnny Damian angot sa mandu it Department of Interior and Local Government (DILG) nga ‘highway ban’ sa mga tricycles sa banwa it Kalibo.
Sa ginpatigayon nga meeting suno kana kaibahan ro mga local officials ag iba pang natungdan nga ahensiya it gobyerno, natalakay nga medyu mabudlay gid man makaron nga eubusan nga ibawae ro mga tricycles sa national highway bangud nga raya eamang ro nagapangunang transportasyon makaron sa Capital it Kalibo ag 16 nga Barangay ag owa pa it gintaeana nga alternatibong daean ro LGU kalibo .
Ginatugyan eon sigon nana sa Highway Patrol Group ag Land Transportation 0ffice sa pagdakop sa mga pasaway nga motorista.
Aminado man si Damian nga may pilang tricycle drivers ro padayun nga nagagamit sa fast lane sa baylo nga right lane para sa slow-moving vehicles.
